Тошкентда тиббиёт соҳаси бўйича меҳнат ярмаркаси ўтказилди

Бугун Тошкент шаҳар ҳокимлиги ташаббуси билан Соғлиқни сақлаш вазирлиги ҳамда Тошкент шаҳар Камбағалликни қисқартириш ва бандлик бошқармаси ҳамкорлигида тиббиёт соҳаси бўйича меҳнат ярмаркаси бўлиб ўтди.

🩹 Тадбирда 43 та ташкилот иштирок этиб, иш изловчиларга 2200 дан ортиқ вакант иш ўрни таклиф қилинди.

➡️Ярмарка давомида 420 нафар фуқаро ишга жойлашиш масаласида мурожаат қилди. Уларнинг 385 нафари ёшлар, 325 нафари эса қизлар ва хотин-қизлардир.

🤩Иштирокчилар мавжуд бўш иш ўринлари билан танишиб, иш берувчилар билан бевосита мулоқот қилиш, ариза топшириш ҳамда танлов ва суҳбат жараёнлари бўйича зарур маълумотларни олиш имкониятига эга бўлдилар.