МИЛЛАТЛАРАРО ВА КОНФЕССИЯЛАРАРО ТОТУВЛИК — ТАРАҚҚИЁТНИНГ МУҲИМ ОМИЛИ

Тошкент шаҳар ҳокимлиги вакиллари иштирокида Ўзбекистон Республикасида миллатлараро ва конфессиялараро тотувлик, дўстлик ҳамда ўзаро ҳурмат муҳитини кенг тарғиб этишга қаратилган медиа-режанинг пойтахтдаги ижросини таъминлаш масалаларига бағишланган йиғилиш бўлиб ўтди.

✔️Йиғилиш давомида юртимизда турли миллат ва конфессия вакиллари ўртасидаги ҳамжиҳатликни янада мустаҳкамлаш, жамиятда ўзаро ҳурмат, бағрикенглик ва тотувлик муҳитини ривожлантириш борасида амалга оширилаётган ишларни аҳолига кенг ва тизимли етказиш масалалари муҳокама қилинди.

📈Шунингдек, соҳада эришилаётган ижобий натижалар ва намунали ташаббусларни оммавий ахборот воситалари, расмий веб-сайтлар ҳамда ижтимоий тармоқларда мунтазам ёритиб бориш, мазмунли ва таъсирчан медиа материаллар тайёрлаш, шунингдек, масъул ташкилотлар ўртасидаги ҳамкорликни кучайтириш бўйича аниқ вазифалар белгилаб олинди.