259-MAKTABDA SINF KENGASHI SARDORLARI SAYLANDI

 Yunusobod tumanidagi 259-sonli umumiy o‘rta ta’lim maktabida “Kelajak soati” darslari doirasida o‘quvchilarning yetakchilik qobiliyatini rivojlantirish, ularda tashabbuskorlik va mas’uliyat tuyg‘usini mustahkamlash maqsadida sinf kengashi sardorlari saylovi o‘tkazildi.

Erkin va ochiq ovoz berish jarayonlarida o‘quvchilar o‘z tanlovlarini amalga oshirib, maktabning ijtimoiy hayotida faol ishtirok etadigan, tengdoshlariga namuna bo‘la oladigan munosib nomzodlarni aniqlab oldilar. Ushbu jarayon yoshlarning o‘zini o‘zi boshqarish ko‘nikmalarini shakllantirish, jamoada ishlash hamda maktab rivojiga munosib hissa qo‘shishlarida muhim ahamiyat kasb etadi.

✅ Yangi saylangan barcha sardorlarga o‘qish va jamoat ishlarida ulkan zafarlar, yangi tashabbuslar hamda yorqin kelajak sari dadil qadamlar tilaymiz!

🇺🇿 Yunusobod tumani hokimligi Matbuot xizmati.